Cargando resultados...
Capóns de ata 140 euros na tradicional feira de Vilalba
Capóns de ata 140 euros na tradicional feira de Vilalba
Vendéronse 1.100 exemplares e todos superaron os cinco quilos de peso
G24.gal
21/12/2022 13:11
Por riba de 1.000 capóns e cun peso mínimo de cinco quilos venderon este ano os criadores de Vilalba. Unha cifra de animais que puido ser moito máis elevada porque a demanda disparouse a pesar da crise e da inflación.
O prezo dos capóns subiu este ano e os mellores exemplares acadaron os 140 euros. A media roldou os 110. A maior parte dos animais están vendidos con moita antelación e os criadores recomendan, para o ano, facer as reservas canto antes.
A feira leva celebrándose dende o ano 1853. Nesta edición volvéronse entregar premios ao mellor exemplar, á mellor parella e aos mellores criadores.