Un viño galego acada por primeira vez os cen puntos na lista Parker
Un viño galego acada por primeira vez os cen puntos na lista Parker
Sorte O Soro é un godello elaborado por Rafael Palacios na D. O. Valdeorras
Faise con uvas de cepas vellas dunha viña do Val do Bibei
Rafael Palacios, un enólogo e adegueiro da Rioxa, estableceuse en Valdeorras no ano 2004 porque é un namorado dos viños blancos, en especial do godello, e considera que Galicia é un lugar ideal para cultivalos.
Actualmente dispón de 24,5 hectáreas de viñas no Val do Bibei, pero traballa con especial interese a primeira que mercou, unha parcela de media hectárea con cepas de máis de 40 anos. Coas suas uvas é coas que elabora o Sorte O Soro, o seu viño máis selecto.
Desde que o sacou ao mercado no 2014 xa recibiu moi boas valoracións nas catas e publicacións máis prestixiosas do mundo dos viños. Agora acaba de recibir a máxima puntuación da lista Parker. É a primeira vez que un viño galego logra os cen puntos da recoñecida publicación americana.
Cultiva a viña de maneira tradicional, sen mecanización, polas dificultades de acceso e aplica os principios da agricultura biodonámica. Fermenta o mosto con lévedos silvestres e envelléceo en cubas de madeira durante 7 meses.