Publicador de contidos

Publicador de contidos

Un raio provoca importantes danos na igrexa de Santa María de Teo

Un raio provoca importantes danos na igrexa de Santa María de Teo

Levou por diante parte do campanario, que podería derrubarse

O concello pide que se respecte o perímetro de seguridade

G24.gal 26/12/2021 13:27

O impacto dun raio provocou importantes danos na igrexa de Santa María de Teo. Levou por diante a metade do campanario e a estrutura de ferro adxacente. 

Varias pedras de gran tamaño e unha das campás, de 250 quilos de peso, caeron sobre o adro da igrexa. Sucedeu sobre as sete da mañá do venres e afortunadamente, só se produciron danos materiais.

As autoridades municipais aseguran que o campanario podería derrubarse, polo que o templo permanece pechado. Piden que se respecte o perímetro de seguridade, xa que varias pedras quedaron inestables na parte superior.

Ademais, hai aviso amarelo por ventos fortes e chuvias intensas, que poden ir acompañadas de novas treboadas pola noite.

Este luns está previsto que se faga unha revisión máis polo miúdo da igrexa para avaliar mellor os danos.  

Publicidade
Publicidade
Publicidade
Publicidade