Támara Echegoyen comeza a carreira olímpica no Europeo de 49er
Támara Echegoyen comeza a carreira olímpica no Europeo de 49er
Un percance na terceira regata clasificatoria na que non puideron participar relegounas ao posto 29º
A outra galega, Patricia Suárez, ocupa o posto 24º despois dunha gran terceira regata
Este martes comeza o Campionato de Europa de vela na modalidade 49er. Con Tamara Echegoyen e Paula Barceló. A galega e a balear volven á competición tras a decepción sufrida en Tokyo. Vanse probar de cara ao gran obxectivo dos Xogos Olímpicos de París. Teñen que buscar o punto idóneo de forma para preparar o Mundial, clasificatorio para a cita de Francia.
Echegoyen e Barceló comezaron gañando a primeira regata e na segunda acabaron na undécima posición. Pero na terceira regata da tarde un problema xusto antes da saída impediulles tomar parte e terán que reparalo para buscar a remonta na xornada do mércores.
Mellor lle foron as cousas a Patricia Suárez, que está no posto 24º. Completaron dúas discretas primeiras regatas pero na terceira acadaron un sétimo posto que lles fixo subir na xeral.