Silvia García: "Rainiero Fernández saía á "caza fotográfica", pero non buscaba visibilidade"

A colaboradora de artes desta nova temporada, SIlvia García, fala da figura de Rainiero Fernández (Vigo, 1909-1999), que realiza durante as décadas cincuenta e sesenta do século pasado, unha interesante obra fotográfica que, co paso do tempo, adquiriu gran relevancia. A súa actividade como fotógrafo está estreitamente vinculada coa que desenvolveu como presidente da Agrupación Fotográfica Gallega durante o período no que esta tivo a maior actividade, actuando como dinamizador dos concursos e publicacións.