Rueda anuncia que as UCI dos hospitais galegos terán máis 'boxes' individuais

O xefe da UCI do CHUS, Pedro Rascado, explicou que a nova unidade de coidados intensivos, que conta con dez boxes, supón "un cambio substancial", tanto para os pacientes como para os profesionais, xa que agora os boxes son pechados e individuais.

Ata o momento, os pacientes entraban illados da súa familia e as visitas que se podían realizar eran curtas. Agora, detallou, poderán estar máis tempo dentro das unidades e, cos boxes pechados, "con máis intimidade e tranquilidade".