Prisión para o británico de 68 anos acusado de matar a muller en Mazarrón

Unha xuíza de Totana, con competencia en violencia de xénero ordenou prisión provisional  para o británico de 68 anos acusado de matar a muller de 56 en Mazarrón, Murcia. O presunto autor do homicidio tiña cinco denuncias previas por violencia machista presentadas pola vítima entre 2007 e 2014.

O corpo da muller apareceu no patio da súa casa cun forte golpe na cabeza. Con ela son 39 as vítimas mortais da violencia de xénero en España este ano,  a segunda na rexión de Murcia.