O Goberno prepara novos incentivos para atrasar a idade de xubilación
O Goberno prepara novos incentivos para atrasar a idade de xubilación
O ministro de Seguridade Social anunciou un incremento do 4 % por cada ano de atraso, un cheque único de 12.000 euros ou unha mestura destas dúas opcións
Os expertos din que fan falta moitas máis medidas, pero que a fórmula proposta polo executivo pode ser positiva
É un novo intento do ministro de prolongar a vida laboral como medida para soster o sistema de pensións. Aposta pola xubilación activa, é dicir, continuar no posto de traballo e cobrar parte da pensión.
"Incentivar a quen queira de xeito voluntario traballar máis alá da idade legal de xubilización poida facelo, sendo ademais un aforro para o sistema", dixo José Luis Escrivá.
Haberá que agardar para ver como se formaliza o anuncio. Os expertos din que fan falta moitas máis medidas, pero que a fórmula proposta polo executivo e que xa se emprega noutros países pode ser positiva.
O Goberno central propón unha suba do catro por cento por cada ano de atraso, un cheque único de doce mil euros ou unha mestura das dúas opcións.
O obxectivo é atrasar a idade de xubilación para cadrar as contas do sistema de pensións que o Goberno non conseguiu coa primeira reforma. Ademais negocia cos axentes sociais a reforma do sistema de autónomos para que coticen en función dos seus ingresos reais.
.png)
