Os Estados Unidos preparan un novo paquete de axuda militar de 800 millóns de dólares para Ucraína

Un día despois de que sancionara 40 persoas e empresas relacionadas co presidente Putin, os Estados Unidos preparan un novo paquete de axuda a Ucraína.

Segundo a canle de televisión CNN, serían outros 800 millóns de dólares en material militar que o presidente Joe Biden ten previsto anunciar nunha conferencia de prensa prevista para primeira hora desta tarde. 

Este novo paquete elevaría a máis de 3.000 millóns de dólares a axuda militar entregada a Ucraína desde que o país foi invadido por Rusia hai dous meses.