Os acuarios pasaron de ser un hobby a converterse en pezas centrais de decoración
Dependendo da súa complexidade, montar un acuario pode ser todo un proxecto creativo
Os de auga salgada son os máis esixentes e delicados
Montar un acuario poder ser tan simple ou complexo dependendo do que queiramos conseguir. Os de auga doce son a porta de entrada perfecta para os principiantes: fáciles de manter, económicos e perfectos para os que buscan un toque de natureza na casa.
Os de auga salgada xa son outro nivel. Trátase de acuarios máis esixentes e delicados. A auga ten que controlarse ao detalle, igual que a iluminación, a filtración e ata o tipo de sal.
Non só se trata de peixes, aquí a decoración tamén é protagonista con plantas, rochas e corais que deben convivir en equilibrio para crear o hábitat.
Un mundo que cos coidados axeitados pode medrar, transformarse cada día e acompañarnos durante moito tempo.
