Publicador de contidos

Publicador de contidos

O paro baixou en Galicia en 25.700 persoas no terceiro trimestre de 2021

O paro baixou en Galicia en 25.700 persoas no terceiro trimestre de 2021

O paro baixou en máis de 127.000 persoas en toda España

A ocupación superou a cifra de 20 millóns de traballadores

G24.gal 28/10/2021 09:36

En Galicia baixou o paro en 25.700 persoas e a taxa queda nun 10,2 %, catro puntos por baixo da media estatal. Hai 126.700 desempregados.

O paro baixou en máis de 127.000 persoas en toda España, o maior descenso para un terceiro trimestre dende 2018. A taxa de paro queda no 14,5 % por cento. E número total de parados queda algo por riba dos 3.400.000.

A ocupación superou por primeira vez desde o cuarto trimestre de 2008 a cifra de 20 millóns de traballadores tras crearse nos meses de verán 359.300 empregos. Setembro pechou con 20.031.000 ocupados, segundo informou este xoves o Instituto Nacional de Estatística.

Este incremento da ocupación entre xullo e setembro é o segundo máis elevado nun terceiro trimestre desde a crise financeira de 2008, só superado polos 569.600 empregos que se crearon no verán de 2020 tras o fin do confinamento.

Ao finalizar setembro, o número total de parados situouse en 3.416.700 persoas. A taxa de paro diminuíu case sete décimas, ata o 14,57 %, a súa cifra máis baixa desde o primeiro trimestre de 2020.

Publicidade
Publicidade
Publicidade
Publicidade