O deportivismo celebra o ascenso

A noite vai ser longa na Coruña. 

Tras a vitoria no estadio José Zorrilla, o equipo logrou o ansiado ascenso a Primeira División, oito anos despois. E aí estaba a afección para celebrar a fazaña.

Afeccionados do Deportivo no estadio José Zorrilla de Valladolid. EFE/ Pablo Requejo

Tanto os seareiros que viaxaron ata Valladolid como os que quedaron na cidade herculina. A troula comezou nada máis rematar o partido nas dúas cidades. Os xogadores, que se sumaron á festa, volven esta mesma noite á Coruña. 

A zona dos arredores de Riazor está a ser un punto neurálxico. Tamén a praza de Catro Camiños.