O cadáver achado no cabo de Peñas é o de Sandra Bermejo, segundo as probas de ADN
O cadáver achado no cabo de Peñas é o de Sandra Bermejo, segundo as probas de ADN
A Policía Nacional de Xixón segue traballando para esclarecer a súa morte
A Policía Científica confirmou este mércores que os restos humanos achados o pasado 23 de decembro no cabo de Peñas, no concello asturiano de Gozón, resultan compatibles co perfil xenético da psicóloga madrileña Sandra Bermejo, desaparecida o 8 de novembro de 2022.
El laboratorio territorial de Biología-ADN de A Coruña confirma que los restos humanos localizados en las inmediaciones del #CaboPeñas el pasado 23 de diciembre son compatibles con el perfil genético de la desaparecida Sandra Bermejo
— Policía Nacional (@policia) January 4, 2023
La investigación continúa abierta #Asturias
Tras comunicar oficialmente o resultado do ADN, a asociación SOS Desaparecidos desactivou a alerta que mantiña desde que se tivo coñecemento da desaparición da muller.
Efectivos do Grupo Especial de Operacións (GEO) e a UDEV da Policía Nacional centraran a procura por mar na zona de cantís do cabo de Peñas.
Sandra Bermejo levaba dous anos vivindo en Xixón. A súa pegada perdeuse sobre as 17:00 horas do 8 de novembro, cando o sinal do seu teléfono móbil foi localizado por un repetidor no aparcadoiro máis próximo á pena A Gaviera, onde atoparon o seu vehículo.
O coche non tiña signos de violencia. Dentro estaba o bolso coa documentación e as tarxetas bancarias, pero faltaba o teléfono.
A véspera de Noiteboa, un pescador atopou uns restos humanos nunhas pedras do cantil.
A Policía Nacional de Xixón, que está a cargo da investigación, segue traballando para esclarecer os feitos.