Publicador de contidos

Publicador de contidos

Piden vixilancia para acabar cos roubos no polígono de Baión, en Vilanova de Arousa

Piden vixilancia para acabar cos roubos no polígono de Baión, en Vilanova de Arousa

O gasóleo do depósito de camións, obxectivo dos ladróns

Imaxe do polígono industrial de Baión, no concello de Vilanova de Arousa, este martes
G24.gal 28/06/2022 14:10

Empresarios asentados no polígono de Baión, en Vilanova de Arousa, reclaman maior vixilancia para previr roubos. É unha área ampla e afastada en que só media ducia de parcelas están ocupadas, polo que a posta en marcha de seguridade privada suporía un custo inasumible.

Cada unha pon os seus medios antirroubo, como sinala Víctor, mostrando parte do seu equipo de vixilancia. É xerente de dúas empresas de camións cisterna.

"Leváronnos hai catro ou cinco meses o gasóleo e as baterías dunha cabeza tractora que tiñamos aparcada fóra. A inseguridade cidadá que as autoridades non saben ou non queren atallar", di Víctor Estévez, xerente de TLE.

Ademais dos cans, conta cunha instalación de videovixilancia que, recoñece, non sempre proporciona a eficacia buscada. Coa carestía actual do gasóleo, o medio de traballo da súa empresa de camións,  converteuse en obxectivo de roubo. Sobre todo os que realizan longos percorridos e cargan nos seus depósitos varios centos de litros.

"Dentro do depósito do gasóleo pode haber mil litros. A dous euros, bótalle a conta. Dous mil euros que levan. Teñen moito gasóleo dentro e, despois, o de sempre, que hai quen merca ese gasóleo", di Estévez.

A operarios que traballan na posta en marcha dunha nova nave no mesmo polígono de Baión leváronlles recentemente gasóleo e outro material, pero non quixeron entrar nos pormenores do roubo.

Publicidade
Publicidade
Publicidade
Publicidade
Pódeche interesar