Nadal esgota a Mannarino e xa está nos cuartos

O tenista Rafael Nadal xa está nos cuartos de final do Open de Australia logo de derrotar a Mannarino en tres sets (7-6, 6-2, 6-2). Nadal sufriu nun primeiro set no que estivo a chave do partido. Decidiuse nun eterno tie break resolto polo balear por 16-14. Esa resolución afundiu a Mannarino e deulle ás a un Nadal que esmagou o seu rival a partires dese intre cun dobre 6-2.

En cuartos (leva 14 no Aberto de Australia, a un da marca de Federer) xogará contra Shapovalov, que deu a sorpresa ao derrotar o terceiro cabeza de serie Zverev en tres sets (6-3, 7-6, 6-3).