Morren dúas persoas atropeladas en Valencia e a Policía detén o condutor
Morren dúas persoas atropeladas en Valencia e a Policía detén o condutor
O vehículo circulaba en dirección contraria
As vítimas, de 30 anos, eran parella e deixan un fillo pequeno
En Valencia morreron dúas persoas atropeladas por un vehículo que circulaba en dirección contraria. O condutor deu positivo en alcol e está detido. Ás vítimas eran parella e deixan un fillo pequeno.
Sucedeu de madrugada en Canals. O condutor agora detido discutiu cun grupo de persoas no interior dun pub. Segundo parece, saíu e colleu o coche coa intención de atropelalos. Comezou a circular a moita velocidade e en dirección contraria ata que atropelou a parella que cruzaba a rúa nese momento e que non tiña relación co grupo do pub.
Como consecuencia do impacto, o coche acabou debaixo dunha ponte. Os falecidos tiñan 30 e 31 anos. O home morreu no momento e a muller pouco despois no hospital. O concello decretou tres días de loito oficial.
