Mondoñedo recupera a baixada dos cabalos, a tradición máis chamativa das San Lucas
Mondoñedo recupera a baixada dos cabalos, a tradición máis chamativa das San Lucas
Cincocentos animais percorreron a vila e pasaron pola Praza da Catedral
Despois de dous anos sen celebrarse por culpa da pandemia, as San Lucas recuperaron unha das súas tradicións. Cincocentos cabalos do monte baixaron á vila conducidos polos seus propietarios. Percorreron as rúas e pasaron pola Praza da Catedral, onde todo o mundo espera para velos.
"É espectacular, moi bonito e ten moito mérito que dean xuntado tantos animais", di unha muller.
"Veño desde Madrid a velo. Tiña referencias e aquí estou", explica un visitante.
"Xa é un acto asentado na programación das San Lucas. É un efecto reclamo. Cada ano vén máis xente a velo e cada ano quere participar máis xente da baixada, tanto xinetes como gandeiros como o propio público", explica Miguel García, o vicepresidente da Asociación das San Lucas.
