A policía de Texas admite que foi un erro non entrar á forza na aula na que estaba o atacante

A policía de Texas admitiu que foi un erro non ter entrado antes e pola forza na aula onde se atopaba o autor do masacre no que morreron 19 nenos e dúas profesoras.

O responsable de seguridade pública do estado de Texas recoñeceu ante os medios de comunicación que non derrubar a porta da aula e agardar a que chegara un empregado da escola coa chave foi unha decisión de todo incorrecta. Culpou ao máximo responsable policial que estaba no centro.