Cargando resultados...
A luz volverá superar este luns os 200 euros/MWh
A luz volverá superar este luns os 200 euros/MWh
Situarase nos 226,57 euros/MWh, cos máximos entre as 20:00 e 21:00
G24.gal
24/04/2022 19:35
Despois do respiro que deu o sábado o prezo da luz, cando o megawatt hora chegou a pagarse a 1,17 euros, o luns volve subir o prezo da electricidade no mercado almacenista, e situarase nunha media de 226 euros o megawatt hora.
Comparando co prezo que tiña hai un ano, cando estaba a 61 euros, supón un encarecemento do 270 por cento.
Segundo a ministra para a Transición Ecolóxica, Teresa Ribera, seguramente en maio xa se aplicará o acordo para a excepción ibérica que conterá os prezos en España e Portugal.