Máis da metade dos españois din que a suba de prezos afecta moito ao seu consumo
Máis da metade dos españois din que a suba de prezos afecta moito ao seu consumo
Os hábitos de compra dos consumidores mudan ata incluso prescindir de produtos básicos
Un de cada tres españois xa recortaron os seus gastos por mor da inflación. Case o 95 por cento aseguran que senten o impacto do encarecemento dos produtos, segundo a enquisa de 40dB para El País.
Os que notaron moito a suba da vida superan o 60 por cento. Hai máis do trinta que cren que no seu día a día o aumento dos prezos foi bastante. Responderon pouco, menos do 4 por cento.
As familias afrontan como poden esta suba xeneralizada dos prezos. A inflación está provocando que muden mesmo os gastos tan básicos como é a cesta da compra. E é que ante os prezos desbocados de produtos tan básicos como o aceite, os ovos ou a froita, aos consumidores non lles queda outra que axustar os seus hábitos.
Máis ofertas, máis marcas brancas e mesmo prescindir dos produtos que máis encareceron nos últimos meses. Ademais xa se está notando un maior tirón do crédito.
E estes recortes na cesta da compra tamén se trasladan ao resto de hábitos de consumo, como é a restauranción, o ocio ou a roupa que tamén se están resentindo.