Iván, tras o accidente de globo: "Iamos polo medio das árbores co queimador aceso, medio descontrolado"
Iván, tras o accidente de globo: "Iamos polo medio das árbores co queimador aceso, medio descontrolado"
Iván, tras o accidente de globo: "Iamos polo medio das árbores co queimador aceso, medio descontrolado"
Di que se sente afortunado por salvar a vida, aínda que botaron en falta asistencia
O que ía ser un idílico paseo en globo sobre a Ribeira Sacra acabou nun bo susto para Iván e a súa muller e os outros 9 pasaxeiros. O globo perdeu altura e o piloto xa non foi quen de remontalo.
"Estabamos agarrados a unhas asas de corda que ten a cesta e evitando agachar a cabeza para non bater con nada. O piloto dixo que foi por un cambio repentino nas correntes e cando quixo volver subir non foi capaz", declara Iván.
Na súa caída o globo bateu cun poste da luz e contra o tellado dunha vivenda. A cesta foi arrastrándose durante 40 metros ata quedar na cima dun carballo. De alí saíu voando outros cincuenta metros, quedou pendurado dunha árbore a dous metros do chan, ata que caeu definitivamente.
"Puideron pasar mil cousas, batemos contra postes da luz, iamos polo medio das árbores co queimador aceso, medio descontrolado e non pasou nada, nin para nós nin para a xente da aldea", di Iván.
Di que se sente afortunado por salvar a vida, aínda que botaron en falta asistencia, xa que tiveron que marchar polos seus propios medios, co calzado estragado e polo medio do monte.