Cargando resultados...
Feijóo pídelle ao Goberno máis axilidade e cogobernanza na repartición dos fondos da UE
Feijóo pídelle ao Goberno máis axilidade e cogobernanza na repartición dos fondos da UE
Feijóo di que o Goberno central só foi quen de resolver o 20 % dos fondos europeos Next Generation
O presidente da Xunta denunciou o atraso na xestión dos fondos nun coloquio do Círculo de Empresarios de Vigo
G24.gal
16/02/2022 21:20
Non era bo día para falar no coloquio do Círculo de Empresarios que comezou cun minuto de silencio polos tripulantes do arrastreiro de Marín.
Porén, a cadea mar, industria, automoción, o naval ou o forestal, afrontan días difíciles. O Goberno central despachou só o 20 % dos proxectos que optan a fondos Next Generation e Galicia pide máis dilixencia, cogobernanza e rigor na repartición.
"Levamos atraso, lentitude na xestión dos fondos e cremos que deben descentralizarse para que entre o Goberno central e os gobernos autonómicos poidamos cumprir os compromisos con Europa de execución de fondos e de reactivación real da economía", afirma o presidente da Xunta de Galicia.
Alberto Núñez Feijóo di que a Xunta fai cidade en Vigo. Citou a nova sede xudicial, a estación de autobuses, a ampliación do Ifevi ou as vivendas de Navia como exemplo de boa política fronte ao estrionismo.
"Desterremos a idea de que o mellor político é o que máis berra, o que máis enfronta e o que máis menospreza a súa contorna. Estes, adoitan ser, no fondo, políticos débiles que queren ocultar a súa incapacidade para construír. Distingamos política de espectáculo. Aplaudamos ao actor pero desconfiemos dos políticos que viven nunha representación permanente", di Alberto Núñez Feijóo, presidente da Xunta de Galicia.