España disporá de tres centros de recepción de refuxiados ucraínos que foxen da guerra
Estarán en Madrid, Alacant e Barcelona, segundo confirmou o ministro de Migracións
Máis de 6.000 prazas onde se facilitarán os trámites burocráticos para a súa regularización
España disporá de tres centros de recepción de refuxiados ucraínos que foxen da guerra. Estarán en Madrid, Alacante e Barcelona. Así o confirmou o ministro de Migracións nunha entrevista en Radio Nacional.
José Luis Escrivá dixo que serán máis de 6.000 as prazas, malia que se descoñece o número exacto de persoas que puidese acoller España.
Os tres centros de recepción poderán ser ampliados e neles facilitaranse os trámites burocráticos para regularización dos acollidos no país.
Ademais, pensan en organizar un trasporte para traer os nenos de orfanatos ou con algunha discapacidade.
