Empresas galegas asisten á feira TuttoFood de Milán para promover os seus produtos
A conselleira do Mar di que este certame "é unha ventá de oportunidade"
Galicia está presente na feira de alimentación TuttoFood, que se celebra estes días na cidade italiana de Milán. Un escaparate internacional para os produtos galegos nunha feira expositiva centrada nos produtos de calidade, na nutrición e na sostibilidade.
Unha plataforma, polo tanto, idónea para proporcionar os produtos do mar galegos. Este ano, de feito, dobrouse a cifra de empresas galegas participantes.
A conselleira do Mar, Rosa Quintana, di que "todos os empresarios presentes están moi satisfeitos, algúns incluso pechando negocios con Vietnam. Entendemos que esta feira é unha ventá de oportunidade para seguir acreditando ante o mundo que en Galicia facemos moi ben as cousas, que estamos innovando e que estamos aínda mellorando a calidade dunha materia prima xa de por si extraordinaria".
