Cargando resultados...
Detido un home na Coruña acusado de agredir sexualmente unha moza
Detido un home na Coruña acusado de agredir sexualmente unha moza
O presunto agresor bicou e tocou a muller sen consentimento nun pub da cidade
G24.gal
29/01/2023 21:03
Última actualización 29/01/2023 21:32
A rápida actuación do equipo de seguridade dun pub do centro da Coruña facillitou a detención dun home de 44 anos que presuntamente agredira sexualmente unha clienta do local.
O atestado policial recolle que o arrestado entrou no pub en estado de embriaguez e que intentou iniciar unha conversa coa vítima.
Ela pediulle que marchase, pero o home insistiu, agarrouna polo pescozo e bicouna á forza mentres lle realizaba tocamentos.
Nese momento interveu un dos vixilantes, que retivo o presunto agresor ata que chegou a Policía. Nas próximas horas pasará a disposición xudicial.