Os familiares dos mariñeiros do Pitanxo declaran ante a comisión de investigación
Os familiares dos mariñeiros do Pitanxo declaran ante a comisión de investigación
Prevén unha investigación longa desde a CIAIM
Case tres horas durou a declaración dos seis familiares do Villa de Pitanxo diante da Comisión de Investigación de Accidentes e Incidentes Marítimos CIAIM. Son os que os investigadores consideraron que poderían achegar máis informacións sobre o naufraxio tras as súas conversas coa Dirección Xeral da Mariña Mercante.
Este mércores prestaron declaración diante da mesma comisión, pero, neste caso, en Vigo, os tres sobreviventes.
Entre as persoas que declararon hoxe está Marluz Esquível, muller de Edwin aínda desaparecido ou Cristopher González, fillo do moañés Fernando González. Dixeron que ían en representación de todos e que a investigación será longa e que confían en saber a verdade.
Aínda que inicialmente o seu testemuño non estaba previsto, tamén estivo na comisión María Xosé de Pazo, filla de Francisco de Pazo, que pediu que se puxese ao tanto as familias dos avances do reinicio da busca dos corpos.
As persoas que prestaron declaración hoxe poderían ter testemuños gráficos ou sonoros das últimas horas vividas no barco
