Néganlle a pensión de viuvez tras convivir máis de vinte anos coa súa parella

Puri perdeu repentinamente a súa parella vítima dun ataque de velutinas cando tiñan en mente casar. Despois de vinte anos de convivencia, a xustiza négalle a paga de viuvez 

O Tribunal Superior de Xustiza de Galicia, como o xulgado de primeira instancia, ditou en contra da prestación. A sentenza non dubida da súa vida en común pero denega a pensión de viuvez á muller porque non cumpriron co requisito para poder recibila, estar rexistrados legalmente como parella de feito. 

Aínda que sen moitas esperanzas Puri non descarta recorrer ao Tribunal Supremo.