Catro mortos e dúas feridas nun choque múltiple en Ávila
Catro mortos e dúas feridas nun choque múltiple en Ávila
Tres coches chocaron na N-110 en Villatoro por causas que se descoñecen
Tres homes, de 79, 72 e 58 anos, e unha muller, de 78, faleceron este venres tras unha colisión entre tres vehículos na estrada N-110 no termo municipal de Villatoro (Ávila).
No mesmo sinistro resultaron feridas dúas mulleres de 74 e 65 anos.
O sinistro ocorreu pouco antes das catro da tarde. A esa hora, varios particulares alertaron a emerxencias dunha colisión entre tres turismos no quilómetro 291 da N-110, en Villatoro.
Ata o lugar acudiron a Garda Civil, os Bombeiros de Ávila e o centro coordinador de urxencias de Emerxencias Sanitarias, desde o que se mobilizaron un helicóptero sanitario, unha UVI móbil, unha ambulancia de soporte vital básico e persoal de Atención Primaria do centro de saúde de Muñana.
O persoal sanitario confirmou xa no lugar o falecemento das catro persoas e atendeu ademais as feridas. Unha delas tivo que ser trasladada logo ao hospital de Salamanca.
