A Garda Civil detén un home que intentou atarcar unha gasolineira en Tui a punta de pistola
Foi no barrio da Ponte Nova e, segundo testemuñas, houbo un disparo ao aire
O asaltante retivo durante 15 minutos a un empregado da estación de servizo
As forzas de seguridade detiveron un home que á primeira hora desta mañá intentou atracar unha gasolineira a punta de pistola en Tui. Foi no barrio da Ponte Nova e, segundo testemuñas, houbo un disparo ao aire.
O suceso tivo lugar pasadas as 08:00 horas deste martes e a Garda Civil detivo o presunto autor dos feitos. No suceso non resultou ferida ningunha persoa.
Segundo afirmaron fontes da investigación, o asaltamte retivo un empregado da estación de servizo durante 15 minutos. O detido ten antecedentes por feitos similares.
O asaltante causou numerosos estragos no interior da gaolineira. Estragou o TPV, un ordenador e todas as pantallas. Segundo testemuñas, pegoulle cun extintor na cabeza a un cliente.
