Publicador de contidos

Publicador de contidos

Atracan cunha pistola unha gasolineira en Rubiáns, Vilagarcía

Atracan cunha pistola unha gasolineira en Rubiáns, Vilagarcía

O asaltante fíxose cun botín duns 500 euros

Segundo o relato dun empregado da estación de servizo, o atracador estivo tranquilo en todo momento e non se amosou violento

O asaltante esperou a que non houbese ningún cliente para ameazar ao dependente
G24.gal 21/12/2022 13:02

O atraco tivo lugar na gasolineira situada ao final da recta de Rubiáns, en Vilagarcía, no acceso ao hospital do Salnés. Non había clientes no establecemento. 

O asaltante aproveitou esa soidade para perpetrar o atraco, apuntando cunha arma o traballador da gasolineira para que lle dese o diñeiro da caixa, que podería rozar os 500 euros aproximadamente. 

Segundo relatan, o atracador amosou unha actitude tranquila, non estivo violento en ningún momento e non provocou ningún dano nas instalacións nin feriu o empregado que estaba a traballar. 

Unha vez que conseguiu o botín, fuxiu á carreira sen subir a ningún vehículo. Sospéitase que puido deixar un coche aparcado nalgún sitio oculto preto da estación de servizo, ou que tivera un cómplice a esperar por el.

Segundo o testemuño do dependente da estación de servizo, trátase dun home de mediana estatura sen acento estranxeiro que cubría a cara coa carapucha do chándal.

A Policía Nacional despregou un dispositivo de procura pola zona para tentar dar co asaltante. Os axentes estiveron vendo as gravacións das cámaras de seguridade, para ver as características e indumentaria do individuo e sospeitan que a arma curta que empregou podía ser de simulación ou de balotes.

Publicidade
Publicidade
Publicidade
Publicidade
Pódeche interesar

Publicador de contidos