Atopan un home morto na súa casa de Culleredo despois dun mes
Atopan un home morto na súa casa de Culleredo despois dun mes
A veciñanza de Acea de Ama, en Culleredo, botábao en falta dende o Nadal
Puxeron un vaso de auga diante da porta para confirmar que non entraba nin saía
Manuel vivía só nunha casa de Acea de Ama, en Culleredo. Non era unha persoa especialmente sociable, pero toda a veciñanza o coñecía.
Despois do Nadal empezaron a botalo en falta e a clave para confirmar que lle pasara algo malo foi un vaso de auga que un veciño puxo diante da porta. Fíxoo para confirmar que o home non entraba nin saía do domicilio.
Corría o rumor de que ingresara nunha residencia, pero non era certo. O vaso da porta non se moveu e a Garda Civil, cando acudiu, non tardou en confirmar o peor dos presaxios: Manuel levaba máis dun mes morto no interior do domicilio. Atoparon o cadáver en avanzado estado de descomposición.
A casa permanece precintada e a moto de Manuel, aparcada diante da porta. Lamentablemente, cada vez son máis os casos de persoas maiores que viven soas e morren exactamente igual. Só o paso do tempo fai saltar as alarmas ante a súa ausencia.