Aparecen rotos os parabrisas dunha ducia de coches en Vilalba

Co parabrisas roto, así apareceron media ducia de vehículos que estaban aparcados no centro de Vilalba. A peor parte levárona os estacionados no aparcadoiro público da rúa Guitiriz, onde uns cantos coches amenceron cos cristais escachados cun obxecto contundente.

Segundo os veciños da zona, este tipo de actos vandálicos son relativamente frecuentes. De feito, noutras ocasións teñen aparecido coches cos espellos partidos ou coas rodas picadas.

Unha vez presentadas as correspondentes denuncias por parte dos donos dos coches, a Garda Civil investiga agora a autoría destes feitos.