Adrián Ben asina a mellor marca da temporada nos 3.000 metros

Adrián Ben aproveitou as festas de Nadal para asinar unha marca sobresaínte nunha distancia que non é a súa, como son os 3.000 metros.

Cos seus amigos Adrián Lago e Carlos Porto como lebres, o de Viveiro logrou un tempo de 7 minutos e 53 segundos. É o mellor rexistro da temporada en España e a quinta mellor marca en Europa.

Adrián Ben demostrou a súa fiabilidade nas probas do medio fondo, aínda que a idea de Adrián é a de seguir mellorando no 800.