A Xunta impulsa a estratexia contra o idadismo

A Xunta de Galicia vai impulsar a primeira estratexia galega contra a discriminación por idade. A conselleira de Política Social reuniuse con membros da cátedra de Idadismo da Universidade de Vigo, unha disciplina que quere concienciar sobre o papel dos maiores na nosa sociedade e acabar cos prexuízos e a discriminación por razóns de idade.

Fabiola García explicou que impulsarán normas que impidan esa discriminación e tamén apostarán por acabar cos estereotipos a través da educación.