A xornalista que comeu con Mazón o día da dina, no hospital por unha indisposición

A xornalista Maribel Vilaplana, quen pasou varias horas co presidente da Generalitat Valenciana, Carlos Mazón, o día da dina de Valencia, sufriu unha indisposición e foi traslada a un hospital, onde está a ser atendida polos médicos, segundo informaron a EFE fontes da súa contorna.

Vilaplana, que comeu co president da Generalitat, Carlos Mazón, o 29 de outubro de 2024, o día das inundacións que causaron 229 mortos na provincia de Valencia, está citada nos xulgados de Catarroja para declarar este luns como testemuña ante a xuíza que instrúe a causa penal pola xestión da dina.

Vilaplana pode "ofrecer detalles ou matices que puidesen resultar de interese para a investigación" e concretamente sobre "o proceso seguido a tarde do 29 de outubro na toma de decisións, o cal é obxecto da investigación penal en curso", segundo ditaminou a Sección Segunda da Audiencia de Valencia. EFE