A presidenta do Perú destitúe o primeiro ministro

No medio da crise política que atravesa O Perú, a presidenta Dina Boluarte destituíu o primeiro ministro, Pedro Angulo. Levaba no cargo dez días. Boluarte explicou que esta destitución forma parte dunha reestruturación do gabinete que levará a cabo entre hoxe e mañá e que ten por obxectivo restablecer o diálogo e calmar o descontento social. 

A presidenta esixiulle ao Congreso que aprobe a súa proposta para adiantar as eleccións e enfatizou que non vai renunciar por mor das protestas nas rúas que xa deixaron vintena de vítimas mortais.