A policía portuguesa investiga un posible desvío de fondos europeos
A policía portuguesa investiga un posible desvío de fondos europeos
As pescudas céntranse en empresas de varias localidades lusas
Sospéitase que defraudaron cartos recibidos dos fondos FEDER da Unión Europea
A policía lusa desenvolveu este martes un operativo de rexistros nas localidades de Aveiro, Beja, Braga, Castelo Branco, Coímbra, Évora, Faro, Guarda, Lisboa, Porto, Portalegre, Santarém e Setúbal no marco dunha investigación a varias empresas que supostamente desviaron millóns de euros de fondos europeos de xeito fraudulento.
Os donos das compañías xa son sospeitosos formais, "arguidos" en Portugal. Son 21 empresarios e 16 empresas.
Trataríase de proxectos susceptibles de cofinanciamento polo Fondo Europeo de Desenvolvemento Rexional (FEDER) con incentivos superiores aos 3 millóns de euros. Os axentes traballan sobre os delitos de estafa no xeito de obter as subvencións e fraude fiscal.