A débeda con Audasa enfronta o Goberno central e a Xunta
A débeda con Audasa enfronta o Goberno central e a Xunta
A concesionaria da AP-9 reclama 21 millóns como compensación por eliminar as peaxes de Rande e da Barcala
A débeda con Audasa volve ser motivo de conflito entre o Goberno central e a Xunta. A concesionaria da autoestrada AP-9 reclama case 21 millóns como compensación por eliminar as peaxes de Rande e da Barcala, unhas cantidades que o Ministerio de Transportes non aboou nin están presupostadas para o ano que vén.
O conflito comezou en 2017, cando o Ministerio decidiu recortar a compensación a Audasa. O Supremo ditaminou a favor da concesionaria, pero a sentenza está en recurso, e a el se aferra o Goberno para non pagar de momento. O ministerio reclama que a Xunta volva contribuír, pero o Goberno galego rexéitao e lembra que a xustiza xa lle deu a razón.