Fanse oito anos da desaparición dos 43 estudantes do Estado mexicano de Guerrero

Fanse oito anos da desaparición de 43 estudantes no Estado mexicano de Guerrero.  Numerosas marchas foron convocadas polos seus familiares e compañeiros, que levan todos estes anos esixindo que se abran os arquivos militares do caso.

A Comisión da Verdade, instaurada polo presidente López Obrador, concluíu que foi un crime de Estado e sinalou o exército como suxeito activo na desaparición dos estudantes. A Fiscalía xa solicitou 80 ordes de arresto, algunhas delas contra altos cargos militares.