Óscar Cano: "De conformista teño cero. Se non cumpro as expectativas, perdo o traballo"
Óscar Cano: "De conformista teño cero. Se non cumpro as expectativas, perdo o traballo"
Perde a Max Svensson para xogar en Talavera
Cre que a media inglesa non vai chegar para ascender
O Deportivo volve viaxar, desta volta para xogar co Talavera, un equipo que loita por evitar o descenso. Óscar Cano non vai poder contar con Max Svensson por unha lesión nun bíceps femoral.
O dequipo debe mellorar como visitante. O técnico do equipo herculino non cre que sexa conformista:
"Conformismo sería non modificar cousas cando vas fóra. Non pon dous dianteiros nin fai cambios para facer un gol. De conformista teño cero. Se non cumpro as expectativas, perdo o traballo".
"Hai moita diferenza entre o que ocorre en casa e o que sucede fóra. Non vexo frustración, pero si unha obrigación que nos impoñemos porque se a liga segue así, a media inglesa non nos vai dar para ser campións".
Tamén falou da pouca presenza de xogadores do filial no primeiro equipo:
"Cando me contrata o Dépor dáme información do proxecto da canteira. Pero hai unha esixencia de gañar e penso máis no día a día"
"O día que teña que poñer a un xogador do filial porque o vexa mellor que a un do primeiro equipo, poñereino"
